طريقة تحضير اللوبية بالهوت دوڭ
السلام عليكم و رحمة الله و بركاته
اقتراحي عليكم اليوم اللوبية بالهوت دوڭ غادي تعجب الصغار والكبار
طريقة التحضير
أول خطوة من خطوات نضع اللوبية البيضاء في الماء فاش كتبيتيها إييييه الماء
غادي تغسليها مزيآآآان و تديري قياس الماء لي غادي
تبات فيه و تطيب فيه ويلا خاص الماء زيديه و تزيدي ف داك الماء الملح نعم اختي الملح باش منين تبات فيه ترطاب و تبنان
فنفس الوقت
تنعمل العطرية اللي هي
ابزار +سكنجبير+الخرقوم البلدي+ قريصة الملح (او بدون) +زيت العود
نحك 3 سنينات ديال التومة
تنضيف طماطم مركزة على الكمية المستعملة د اللوبيا (250غ اللوبيا= م.ك و1/2 من طماطم المركزة )
تنحك جوج مطيشات ولا ثلاثة
نحك بصيلة متوسطة ونشحر الكل
نزيد عليهم اللوبية بالماء اللي باتت فيه ونسد عليها شي 15 دقيقة ، نقطع الهوت دوڭ نزيدو على الكوكوط ديالنا هو و جوج
عويدات ديال القرفة وشوية القزبر و معدنوس
نخليهم يتشربو فوق عافية متوسطة شي 10 دقائق و هاهي اللوبية ديالنا واجدة
بالصحة والراحة
تعليقات
إرسال تعليق